حال السعوديين يوم الخميس ^_^

حال الأسر السعوديه</A> في يومين الخميس و الجمعه
بالبدايه نص رسايل جواله من العصر

1_جب خبز

2_جب زبده

3_جب دريم ويب

4_جب وجب وجب وجب وووو.......... اخ

وبعد العصر ينقلب البيت استاذ الملك فهد

بزران فوق الثلاجه

بزران فوق السطح

بزران تحت السياره

سته يلعبون كوره وكل ما كسرو لمبه صاحووواااا (قزاز .. قزاز ..البسوا نعال)

بزارين توهم يمشون كنهم بطاريق تلقاهم في كل مكان

ودك تجيب لك كرتون تايد وتحطهم فيه وتفتح لهم فتحه للنفس وعلى سوق الحمام على طول

وكله كوم واذا جاك بزر يتفل

تسلم عليه ..... يتفل
تهاوشه ..... يتفل
تطقه .... يتفل
يروح لامه يصيح .... يتفل عليها

حط على فمه قضابه وخلاص

ولا اذا جاك ثنين اخوان يتلاعنون
الاول ينعن ابوك..
يرد الثاني ينعن ابوك انت...

ولا اذا شفت لك عيال متجمعين على مقطع جوال مع واحد منهم واذا شافوك .. ماتشوف الا غبارهم لا بوكم عيال دشيررر

واذا دخلت للبيت ..تبدأ استقبال الشكاوي

اول المبزره

_شف هذا يطق

_تعال عقل ذا

_ويبدأ الحلف عاد... والله فلان وهاذا والله فلان الحلف عادي عندهم

ثانيا الحريم

شف فلان تراه سوا كذا وكذا... والمسكين يقعد يصيح خايف

ولا واحد من خلاتك ولا خواتك ولا عماتك تأكل ولدها وهو ماوده ياكل وتقول تعال شفه ما ياكل<<< وانا وش دخلني امه فيه كل ما رفض ياكل في لعنه

والابو جالس في المجلس وجادع الشماغ ويصايح حطوووو العشااااااا

وبعد العشا
رز في كل مكان في البيت
حتى جيوبك تلقى فيها رز

وبعد العشا خلاص يبدا الصراخ الامهات على عيالهم ويييييين نعالك ابوك عند الباب وبعد مايلاقي نعاله تبدأ سخافه البزران
دوران في الشارع والابو ياولد وخر عن السيارات تعال اركب والمبزره شغاله

وبكذا ينتهي يوم اليوم وتنتهي السالفه ههههههههههههه

وربي رسومة كانك توصفين بيتنا

هههههههههههههههههههههههههههههههههههههههههههههه

وبالنهاية عند كل عائلة سعودية بنت ضعيفة زيي كل البيت يستقوي عليها وترتب البيت وتنظفه بعد قرف بزارينهم

والمشكلة يوم بزارينهم يقربعون البيت لما اجي اكلمهم كل واحد يقول صغير معليه مع نفسكم << عصبت

يعطيك العافية حبي