جيتكم وشوق يجذبني

موضوع: جيتكم وشوق يجذبني 2011-12-24, 11:59 am

الـشــوق يجذبنـي لـيــا حلّ طاريه ..
........................ راعي الهدب راعي العيون الكحيله ..

لا واعــذابــي كـلـمــا هــبّ طـاريــه ..
........................ يطري علي راعي الوصوف الجميله ..

وأفــزّ لــه مــن حـلــو نومي واداريه ..
........................ وأخشى من عيون الخلايق تخيله ..

واقــدّره واحـبّ مــن هــو يـبــاريــه ..
........................ والله جـعـــل فـي كــل قـلـب دليله ..

بـالــزين يـاهـل الزين محدٍ يماريه ..
........................ ولا فيــه مثله قد ظهر وسط جيله ..

والـحــب يـاسلـمــان بانت مواريه ..
........................ شف حالتي ياخوك صارت نحيله ..

سبّة فراق اللي من الناس شاريه ..
........................ والـصـبــر كـمّـل والمـسـافه طويله ..

والقلب مثل السيل يتبـع مجاريـه ..
........................ كلـمــا نصحتـه ذاب مـافيـه حيلـه ..

والله يـاسلمــان لــولا المـشـاريه ..
........................ اني آآصَـلـَه لــو كـــان دونه قبيله ..

بس الحيــاء يفــرض علينا نجاريه ..
........................ ومــن يفقده بانت عليه الفشيله ..

للعشق درب وجيتنآ اليوم ساريه ..
........................ والقـلــب عـاشـق والنوايا جزيله ..