ياضرسي > قصتي

السلاموو عليكموو جميعن جميعن نكن نكن فردن فردن

والله ياني الحين ماشوف الدرب ورابط راصي وحالتي حاله صار لي كم يوم

من زوود الارهاق والتعب والالم بس انزل مواضيع ابي انسى اخ اخ اخ ياضرسي

طلعت بروح اتمشى صكني ضرسي الله يلعنه

جيت ابي انام صكني الضرس

حالتي حاله من هضرس اللي عذبني يانااس

نبدا الصقه < اكتبها زين < والله من عوار الضرس معاد اعرف اكتب ولاعاد اجمع

المهم داخل انا لسوبر ماركت

والا احصل جلكسي جديد وقلت ياولد خلنا نجربه محنى بخسرانين شي

قالت بكمم قال بريالين ونص < قوويه

قلت اخر كلام كم < يابوي تبي تشتري بلاوزه والا تنوره تقول كذا استح ترى كلها ريالين ونص

قلت في بالي على الحرام مادفعهاا

وانا الطش الجلكسى واحطه في العربانه يوم ابعدت عن الكاشير

وانا اطلعه واحكه في فمي واكله بسرعه بسرعه

وهو يضرب على سني اللي مفتوحه صبته اووخ يومها ماعاد اشوف شي

وانا اطلع من العثيم مول الجديد دايخ

وانا اركب الموتر <مـآكسيمـآ يالبى قلبها

وانا ماشوف الدرب ياراسي احس الالم في راسي

قلت الله يلعنك من جالكسي وانا اشغل حجاب بن نحيت لبى قلبه

وارفع لآخر شي

وادق ام المــكس وعلى وين على البيـت

طيـآرهـ للبيت طيـآرهـ

وافتح الباب بسرعه

واجلس الا يدخل علي جدي يقول رح عب الاسطوانات نبي نتعشى قلت

يرحم لي وجهك يابعد ضرسي فارق ياخي اطلع من حياتي

قال وش تقول وانا ازفه واسكر الباب

وانا انسدح وافكر وافكر وش اسوي ياربي ابي حل

قلت نسيت اعطي راعي السوبر حسابه يمكن يخف الالم

قلت والله مافيني ادق المشوار

وانا اطلع يقولون حط بندول يخفف منها

ويوم طلعت الا احصل امي لبى قلبها قلت رح ود اخوك للمستشفى تعبان

قالت يمه الظاهر انا مخلفه وناسيه

والله لو بتصرفات صرت انا ابوهـ حلي عني انا من يوديني المستشفى

وانا اروح وانسدح في الصاله دايخ مسطوول ماني رايق لآحد

وتجيني عمتي وقالت ياحبيبي وش فيك قلت ياعمه ضرسي يبي يموتني

وتشتغل ميوزك حزين

عمه انا شو سويت في حياتي عمه خلاص انا ماعاد ابي الدنيا هاذي

عمه انا تعبت خلاص احس ايامي معدوده

عمه عذبني الضرس ياعمه اتعبتني جروحي عمه شنو اسوي < اقول انثبر وش تخربط انت هههه

قلت عمتي عندي لك الحل ياولد اخوي

في دكتوره فلبينيه تهبل في المصتوسف اللي ورانا مرها واللي وماعليك

قلت عمه انا ابي وحدها تعالجي مابي اتزوجها وش علي تهبل ماتهبل

قالت ماعليك روح بـس

وانا اروح طيراااااان متهلف ابي الدكتوره الفلبينيه في حياتي ماشفت دختوره فلبينيه

يوم دخلت يؤؤؤؤ جمــــآل غير عـآدي قـآلت.؟؟؟؟؟؟

وابي اكمل بعد ردودكم

اقووول كمل الله يرجك

يلا عاد بلا دلع كمل خلنا نشوف وش صار

نكمل الحين لعيونكم وهذا وانا ماشفت الردود اللي تبيض الوجهه ههههههه

يالله عدنا ،،


يوم دخلت يؤؤؤؤ جمــــآل غير عـآدي قـآلت.؟؟؟؟؟؟

مرهبا قلت مرهبتين

المهم قالت ولك شو اسماك < قلت حشى ماهي فلبينيه شاميه هاذا

قلت اسمي دشوري مدشر المتدشر < قالت ولك شو اسمك يخزي العين

قلت ياهلابك نجي الحين حق وصفها

الجسم نفس قاروره الكولا جسم محنتف والشفه ورديه ومنتفخه

والبشره بيضاء تهبل تجنن تصرع والعيون سود وسيعه < نصاب فلبينيه ممطوطه تشبه رسمتك حلم

عاد وربي في حياتي ماشفت فلبينيه كذا شكلها

المهم انا اطالع فيها احس الالم والاوجاع راحت وانا عيني ماتفارق عيونها

ياشيخ اقول في قلبي ماتروح معانا للبيت

وهي تقول لك اطلع على السرير < ماني مصدق

قلت وشو قالت روح على السرير وجايتك يؤؤؤؤ قلت جاك يامهنا ماتتمنا

افكر اقلب راسي قلت انا وكشيتي وجيفتي يقول لك الزين رح على السرير وجايتك

اووه بس

عز الله اللي ابقعد طول العمر عزابي من بعدها ههههههه

المهم وانا اطلع لسرير وانا اضبط وضعي واضبط الجلسه واضبط مكان لها واوخر لها شوي

يوم جتني تقرب وانا اتلهف عليها هي تقرب وانا اقرب قلت شو اللي بيوجعك

قلت بعدين اعلمك الحين تعالي بس

قلت ولي ولي شو بتئول انت

قلت احيــه بس

قلت انتي ماتقولين رج لسرير وانا جايتك يالله اقربي يمال المماغص

قالت شو بتئول انتا انا ئلت لك روح لسرير منشان اكشف عليك ياوقح < قويه ياوقح

قلت على تراب بس

واطلع من عندها معصب تحطمت كل احلامي وانا افكر فيها قلت يازينك يالضرس اللي عرفني عليها

واقوم اتمضرح < يعني امشي على روجيلاتي مالكم دخل مثل ماوردة قحطان طلعت كلمة اعنقل انا ابي اطلع اتمضرح

واشووت قواطي البيسبي اللي في الشارع < اسلوب اللي عاف الدنيا

المهم واقعد افكر فيها وافكر

شوي الا وانا ارتفع على الارض سبعه كيلو طنننننننننن

الا الضرس رجع له الالم اووووهـ الله يلعنك من ضرس

ونسيت الفلبينيه اللي مهجنه مع شامي

واطلع للبيت < دايم اذا صارت له مصيبه يزبن للبيت حتى مصيبه عضمى

المهم وادخل المقلط حقنى وانسدح وافكر وش اسوي ماعندي حل الا اني العن ابو جده

واطلع دايرت لمحل السباكه اللي عندنا واخذ منه سلسله حلوه ونحيفه

واجي للبيت مستانس وانشب السلسل في الضرس ابن السته وستين كلب

واحكرها زين حلو على حلو وانادي ولد اخوي الصغير ملقوف قلت دشدش قال هلو

قلت عندك الباب سكره طبعن انا رابط الضرس في الباب

قال سقها بس فاضي لك انا اسكره قلت الله يلعن شكلك سكر الباب لحوسك

قال ماني فاضي لك يالله انقلع

وانا انسى نفسى وانطلق وراهـ يوم انطلقت الا السن مربوط في الباب

مع روحتي وارجع واصقع في الباب لآني سني مربوط فيه وااااااخ

وانصرع غيبوبه سبع ساعات

الا الدكاتره يناظرون ماهم مصدقين الضرس مقلوع والقاعده موجوده

ماصارت هاذي

والا يجونه من هنـآ من هنـآ مافي امل القاعده ماقدروو يوصلون لهااا

قالو مافي امل الا انك تعيش بهاذي الحاله طول العمر

قلت ياخي وش السالفه

واروح للبيت والقاعده موجوده يعني كـآنك يابو زيد ماغزيت

واخذ الشبريه حقت جدي < وين والله لو باب الحاره شبريه مره وحده

تفكروون بنتحر صـح لا والله تبطووووون

المهم وانا انسدح والغوز هاذا الضرس الغوزه

يمين يسار الين طلع لي كائن حي مدري وشو خوفني بصراحه

قال يبوي ترى ازعجتنا من اسبوع ياخوي حنى نبي لنا سرداب تحت يعني دور ارضي

قلت يلعن امك كل هل ازعاج وهل الالم على شان تبني لك دور ارضي قال تلايط خلاص خلصنا

بس باقي نسوي الاثاث قلت الله يلعن امك وانا امسكه الا ويختفي واسمعه يتكلم يقول انثبر بس

خلاص خلصنا والحين خلصوو ولله الحمد بس ماعاد باقي الا القاعده

يقولون هم العرس ولا وجع الضرس

انصح كل واحد يفرش اسنانه كل يوم على شان ماتجي السوسه فهمتو ياشطار

بس للحين الدختوره الفلبينيه

كل يوم افحط عند المستوصف عاد هي امنية حياتها تركب معاي بس ماني معطيها وجهه

يالبيـــه بس لو تركب معاي والله لسوي حفله في شارع الفروسيه انا وهلالي

قود باي وانتظروو القصص القادمه

خبل بس اسلوبك روعة هههههههههههههههههههههههههههههههههههههه

أولا : سلااامات ان شاء الله اخر الاوجاع

ثانيا : ههههههههههههههههههههههههههههه

ثالثا : ماشاء الله ما بقيت احد ما لعنته << استغفر الله بس

رابعا : لا تقلد انا بس اللي اطلع مصطلحأت

يسلمو على القصة المرعبة

سلامتك ماتشوف شر
والصراحه ماالومك تلعن اي احد قسم وجع الضرس يموووووووووووووووت
الحين بفهم شلون فلبينيه وتتكلم شامي اخخخخ يالنصب
ههههههههههههههههههههههههههههه

ودي اشوفهاااااا

حتى انا نفسي اشوفها الفلبينيه