بعض المصطلحات حق منطقة الاحساء
اتحدى اللي مو حساوي يفهم شي..
اشذاذا ...... شنو هذا ؟
منطول ..... مرمي يعني مجدوع بالارض
مغتلق ..... ضايق صدره
موَقل ...... يعني على شفا حفرة من النار.... يعني متردد
دهريز ..... مدخل البيت
حويجة..... تصغير حاجه
مقاقة.... مالي مقاقه بهالشغله. يعني مالي خلق هالشغله وبالي مو طويل
زط ..... يعني مشفوح على الاكل
حمولة.... يعني قبيلة.. يقولون هذا الولد ولد حمولة يعني ولد قبيلي
طبينة... هذا اسم ريحة النخيل اذا حرقوها
تراشي ... حلق الاذن
معاضد.... اساور
هطفة ... يعني طويل
طرطور... ماعنده شخصيه
رياري....... يعني سعابيل ... لعاب< بالعربي الفصيح
انطم..... يعني اسكت
ازعق .... يقولون ازعق له يعني ناده
سكَان .... يعني دركسون السياره
مطيور.... يعني خبل مو عاقل
ودج.... عكس مطيور يعني يقولون للمطيور صير ودج يعني صير عاقل
متحنجة.....يعني متحجبه ......لابسة شيلتها
الموسدة..... يعني الوسادة
سمادة .... حظيرة الحيوانات
منتفج.... عكس عصقول يعني الدببببب
لاك.... يعني هذا الحذاء لاكه علي ... يعني ضيج ( وانتوا بكرامه )
جغم ......يعني رشفه من شي ... مثلا عطني جغم من عصيرك
يزرط.... يعني يبلع من غير ما يهضم
مغماص.... مثلا واحد كان ياكل بيض مع خبز... تقوله ممكن تعطيني مغماص يعني قطعه صغيره من الخبز فيها بيض مثلا
شمخ.... جرح صغير
يترارا..... يقولون هذا الثوب يترارا ,, يعني شفاف
ذب ....يعني رمى يقولون ذبيه يعني ارميه
قميظة.... يعني حسافه
الناس مول.... يعني الوقت متأخر
لثد ... يعني دبق مثل العسل لو لزق باليد يقولون يدي صارت لثده
امردقك.... يعني اضربك بقوووووه
هبابك ...... يعني عساه يمديك
إدن.... يقولون إدن لي مكان يعني وسع لي مكان (مثل دن أو سولي مكان)
الصكة...... يعني برا البيت ..يقولون فلان بالصكه يعني مو بالبيت
سويعة..... تصغير ساعه
امبطح.... يعني انسدح و تمدد
مدعجة ..... اللي يدعكون فيها الجسم
صوغه ....... هديه يعني اذا سافر واحد لازم يجيب لاهله صوغه
ماتعدينا.... يعني ما طلعنا من بيتنا اليوم
يتصوخ...... يتسمع ... يسترق السمع < بالفصحى
هاش ام الطرور يطرك..... هاش يعني كعه على الوجه ...... وكلها على بعض ...سبه
مصخن..... يعني حرارته مرتفعه
و يقولون من عرف لغة قوم أمن شرهم ...
المرجوج : هذا ما عمره صلح شيء صح في حياته ما يمديك تفتح فمك إلا و طار في العجة بدون ما يفهم وش
الدلخ : وهذاا إنسان غبي جداااا.ويرفع الضغط ....وينرفز ....واكثر من يعااني منه المدرسين ....واهله.
السلنتح : قليل الأدب
جحلط ( بتشديد اللام ) : وهم مرحلة متقدمة للسلنتح
مزّلب : يعني بايعها بتراب !
مسفّح : يعني طاير في العجّة وهو ما عنده ما عندي جدتي ,يعني بالعربي الفصيح من جنب العارضة
الصتيمة : وهو الشخص اللي ماعنده ماعند جدة جدتي ...!!...ويصدق أي شيء يقال له
المسبة أو المسبوة : هو الشخص اللي يكون مروع في صغره لدرجة أنه يصبح شبه فاقد للعقل ...
الفاهي : هذا الله يخلف مهما تقول له أو تصارخ عليه تلقاه فاتح فمه
و بس و إذا كلف عمره و تفاعل معك رد عليك و قالك : هه ...
الحقنة : هو الشخص الغثيث اللي ما يفكك لين تعطيه اللي يبيه منك و
مهما تسوي له عشان تصرفه عن الموضوع حقه ينشب في حلقك
لين يأخذ منك اللي يبيه , وهذا يفسر قول العرب : أغث من حقنة !!....
العلة : هذا اللي ما تأخذ أنت منه أي شيء و لا عنده استعداد
انه يسمع منك مهما حاولت وهو كالمرض يعلك لين تنفقع مرارتك منه......
العربجي : اسود الوجهه قليل الحياء....
عَ رآآسسي والله يَ اهل الححسساء