السلام عليكم ورحمه الله وبركاته اعتذر عن الغياب ولكن ليس بيدي
حبيب اقدم لكم هذة الابيات الشعرية من كلماتي اتمنى ان تحوز على رضاكم
ياهاجسي حضر وسجل مراسيل
هات القصيد الي على صح وثبات
ابي نصايح رايعه تنفع الجيل
تنفع شباب المجتمع والفتايات
هذة النصايح جاتكم يارجاجيل
من شاعر صاغ المعاني والبيات
اول نصيحة جاتكم بالتفاصيل
لا تعصي الله كان تبغى الفلاحات
والثانية يامسندي دون تاجيل
صلو على المبعوث خير الصلاوات
والثالثه افهم ولا ابي تباديل
ابوك ومك برهم دون زلات
والرابعة جنب عن القال ولقيل
تلقى السعاده كان تبغى السعادات
ولخامسة طيبك مع الناس ما يزيل
والطيب يجعل صاحبه بالمسرات
هذة نصايح جاتكم بالتفاصيل
من هاجس ابن ادهيم منضوم لبيات